Maqedonia vazhdon të bjerë çdo ditë e më poshtë në raportin e lirive dhe të drejtave të medias dhe njeriut. Organizata e njohur "Freedom House" në raportin e fundit që ka publikuar ka vërejtur se në Maqedoni rënie në shkallën e lirisë vërehet te mediat dhe te niveli e qeverisjes nacionale demokratike.

Sipas gazetës maqedonase, Zhurnal, në vitin 2012 niveli i rënies së lirisë së mediave ka rënë nga 4.50 (vitit 2011) në 4.75 në vititn 2012, kurse demokracia nga 4.00 ka rënë në 4.25.

Në nivelet tjera matëse nuk ka pasur ndonjë ndyrshim nga viti i më parshëm dhe të gjitha parametrat mbesin të njëjtë, duke mos bërë asnjë tentim dhe përmirësim të situatës demokratike në Maqedoni.

Sa i përket lirisë së mediave, vetëm Kosova është më dobët se Maqedonia në rajon, e cila ka indeksin e lirisë së mediave 5.75.

Renditja është bërë nga niveli 1 deri në 7, ku 1 paraqet nivelin më të lartë të progresit demokratik, kurse 7 nivelin më të ulët demokratik. /albeu.com/