Flet një prej të lënduarve: Traktori im ndali kamionin që po i drejtohej kafeneve plot me njerëz
Njëri nga të lënduarit e aksidentit të tmerrshëm në Gjilan, ka parë të gjithë ngjarjen me sytë e tij, shkruan Albeu.com

Ai i shtrirë në Spitalin Rajonal të Gjilanit, për televizionin T7 ka treguar se e kishte parë kamionin me shpejtësi të madhe që kishte humbur drejtimin dhe po shkonte drejt tij.

Sipas tij kamioni që ka shkaktuar aksidentin ka qenë duke lëvizur me shpejtësi të madhe, dhe se nuk i ka dhënë hapësirë të mendoj për të ikur.

Personi i lënduar është pronari i traktorit që shihet në fotografitë e aksidentit. Sipas tij ka qenë pikërisht traktori i tij i cili e ka ndalë kamionin, në të kundërtën ai do të shkonte drejt lokaleve ku shumë njerëz ishi duke pirë kafe.

"Sot kam lind për së dyti. As dy sekonda skam pas kohë me mëndu kah me shku, a me shku në të majt, a në të djatht. Mos me u pas kanë traktori jem, kishte me shku kamioni drejt e tek njerëzit që ishin duke pi kafe, qata njerëz që janë kanë në kafe kanë shpëtu shkaku i traktorit tem", ka thënë ai.

Nga asksidenti i tmerrshëm në Gjilan deri tani ka mbetur i vdekur një person, tre të tjerë janë duke u trajtuar në QKUK në Prishtinë dhe janë në gjendje shumë të rëndë, ndërsa dhjetëra të tjerë janë duke u trajtuar në Spitalin Rajonal të Gjilanit.

Drejtuesi i kamionit që ka shkaktuar aksidentin është ndaluar nga Policia e Kosovës. Dyshohet se për shkak të problemeve teknike, kamioni ka hubmur drejtimin. /albeu.com/
Shtuar më 07/03/2019, ora 17:49
Shkruani komentin tuaj!
Të fundit nga kjo kategori