Fermerët të shqetësuar për kumbullat, dalin në protestë
Pëlqej
Prej dy deri në tetë denarë për kilogram, sipas bujqve është çmimi blerës i kumbullave për dallim nga viti i kaluar, kur ishte 20 denarë.

Kultivuesit e pemëve nga Radovishi kërkojnë një pjesë të kumbullave të shkojnë për blerje, ndërsa një pjesë për përpunim industrial, derisa prodhuesit nga Pijaneci për sot në orën 10 kanë paralajmëruar protestë të qetë para Komunë së Dellçevës.

Protestën e mbështet edhe Shoqata e Fermerëve, blegtorëve, vreshtarëve, prodhuesve të duhanit dhe bletarëve "Bujqit - Maqedoni" që në profilin e vet në Fejsbuk dje kanë publikuar një porosi: "Çmimi nën 12 denarë për kilogram është i paefektshëm".

Qeveria, megjithatë, sot në seancë duhet ta shqyrtojë, ndërsa pritet dhe ta miratojë propozimin e Ministrisë së Bujqësisë - çdo blerës dhe tregtar i regjistruar të marrë nga dy denarë subvencion për një kilogramkumbullave të blera.

Ministria atëherë bënte apel që bujqit të mos bien në informacione tl motivuara politikisht dhe të krijimit të krizës artificiale. Njëherit informonte se po përgatiten masa për stabilizimin e blerjes.

Për subvencione deri më tani janë paraqitur 2.788 persona me gjithsej 2.121 hektarë sipërfaqe.

Rendimentet mesatare për vitin 2018 janë 20 tonë për hektar.


Shtuar më 14/08/2018, ora 11:29
Shkruani komentin tuaj!
Të fundit nga kjo kategori