Fërçkovski: “Maqedonia e Epërme”, çelësi i zgjidhjes së emrit
Në debatin “Maqedonia sot”, profesori universitar Lubomir Fërçkovski tha se çelësi i zgjidhjes së çështjes së emrit do të ishte Maqedonia e Epërme. “Zgjidhja më optimale do të ishte që të bisedohet për emrin Maqedonia e Epërme, por, në këtë moment nuk mund të hapet për shkak të atmosferës së krijuar në shtet dhe refuzimit të kryeministrit që ta marrë atë përgjegjësi”,-tha ai, duke shtuar se "Republika e Epërme e Maqedonisë" është tallje.

"Tek identiteti duhet patjetër të jemi maqedonas për gjuhën dhe kombin, këtu nuk ka dilema. Megjithatë, ka variante diplomatike se si do ta zgjidhin, nëse me fusnotë maqedonase, kurse më poshtë të sqarojnë se këta maqedonas janë nga Maqedonia e Epërme ose ndryshe do t'i shkruajnë me cirilikë dhe latinisht, nuk e di, për atë bisedohet”,-shtoi Fërçkovski, shkruan "Portalb".

Ai foli edhe për pikën 8 nga propozimi i ndërmjetësit për çështjen e emrit, Metju Nimic, që ka të bëjë në atë se askush nuk ka të drejtë ekskluzive ta shfrytëzojë emrin Maqedoni.“Pikat për identitetin çdo herë kanë qenë në propozimet e Nimicit. Duhet të thuhet të gjithë ta shfrytëzojnë”, ka thënë Fërçkovski. /albeu.com/
Shtuar më 08/10/2013, ora 13:31
Shkruani komentin tuaj!
Të fundit nga kjo kategori