Kryeministri i Republikës së Maqedonisë, Nikolla Gruevski së bashku me familjen e tij do të jetë për pushime në Fetije të Turqisë. Siç ka bërë të ditur Zyra e kryeministrit, qëndrimi i Gruevskit në Turqi është me ftesë të kryeministrit turk Recep Tayip Erdogan.

Disa ditë për pushim kanë ndarë edhe liderët opozitarë maqedonas. Kështu, lideri i VMRO-Popullores, Lupço Georgievski bashkë me bashkëshorten e tij do të pushojë në Korenë Jugore.

Ndërkohë, siç u raportua ditë më parë, lideri socialdemokrat Branko Cërvenkovski do të pushojë në Kroaci, por mbetet e hapur dilema nëse ai do të shkojë në ishullin Korçullë, ku familja e tij disponon pronë prej 395 metra katrorë. /albeu.com/