Zyrtari i lartë i Departamentit amerikan të shtetit, Filip Riker, në ditën e katërt të tij në Maqedoni ka deklaruar se SHBA kërkon zgjidhje të shpejtë të çështjes së emrit.
“SHBA-të nuk e kanë ndryshuar qëndrimin ndaj Maqedonisë në raport me zgjidhjen e kontestit rreth emrit me Greqinë. Duam zgjidhje të shpejt, pasi kjo siguron të ardhme më të mirë”, deklaroi Riker.

Riker, ka shprehur besimin se Republika e Maqedonisë në periudhën e ardhshme do të vazhdojë me përmbushjen e reformave si dhe me zgjidhjen e çështjes së emrit, me qëllim të marrjes së ftesës për anëtarësim në NATO si dhe fillimin e negociatave për anëtarësim në Bashkimin Evropian, thuhet në një njoftim të ministrisë së jashtme të Maqedonisë. /albeu.com/