D'Souza: Ngjarje si "24 dhjetori" ndikojnë në punën e Kuvendit
Britania e Madhe do të përkrahë Maqedoninë në proceset integruese. Kështu ka thënë spikerja e Dhomës së Lartë e Parlamentit të Mbretërisë së Bashkuar, Baronesha Frences D'Souza gjatë vizitës së djeshme në vendin tonë.

Baronesha D'Souza në fjalimin e mbajtur para deputetëve ka ngritur shqetësimin për ngjarjet e "24 dhjetorit", të cilat sipas saj do të ndikojnë në punën e Kuvendit.

“E di se në Maqedoni përballeni me dilemat sesi duhet të funksionojë Parlamenti, çfarë procedura duhet të ekzistojnë dhe si duhet të arrihet pushteti i balancuar me pushtetin ekzekutiv. Nuk ka dyshim se ngjarjet e 24 dhjetorit të vitit 2012, të cilat hapën këto çështje, do të vazhdojnë vitet në vijim të ndikojnë në punën e Parlamentit tuaj. Në Dhomën e Lordëve kemi mësuar se ngjarjet e tilla të së kaluarës, ndikojnë drejtpërsëdrejti në punën tonë sot”, ka theksuar D’Souza.

Ajo do të qëndrojë edhe ditën e sotme në Maqedoni ku pritet të takojë të tjerë personalitete. /albeu.com/
Shtuar më 26/09/2013, ora 10:32

Shkruani komentin tuaj!
Të fundit nga kjo kategori