Demokracia e Re ka bërë rikonstruimin e degës së saj në Çair, me ç’rast në funksionin e kryetarit të këtij organi ka zgjedhur kolonelin në pension, Taip Jusufi.

Të pranishmëve u është drejtuar lideri i DR-së, Kastriot Haxhirexha dhe nënkryetari Abedin Zymberi, ndërsa të pranishëm kanë qenë edhe nënkryetari Kushtrim Murtishi, Sekretari i Përgjithshëm, Fatmir Etemi dhe Sekretari Organizativ, Sevdar Mahmuti.

“Për një kohë të shkurtër do të kryhen të gjitha rikonstuimet në të gjitha degët dhe nëndegët. DR-ja me punën e saj është e sigurt se numri i mbështetësve të saj do të rritet dukshëm dhe do të jetë faktor i rëndësishëm në skenën politike. Gjithashtu, jemi të hapur për bashkëpunim me të gjitha partitë politike shqiptare, sepse situate aktuale në Maqedoni dhe rajon i do shqiptarët më të bashkuar se kurdoherë”, thuhet në kumtesën e DR-së, citon Zhurnal. /albeu.com/