Doganat e Maqedonisë konfiskojnë produkte të falsifikuara
Pëlqej
Gjatë javës së kaluar, shërbyesit doganorë kanë penguar disa tentime për kontrabandim të mallrave të ndryshme. Lajmi bëhet i ditur nga Drejtoria e Doganave të Maqedonisë (DDM).

Sipas tyre, është arritur kapja e prodhimeve ushqimore, alkoolike, veshje dhe falsifikime tjera.

4.200 kilogram filetë pule i ngrirë është kapur në një automjet transportues me regjistrim të Maqedonisë, duke tentuar që të kaloj në Greqi, përmes vendkalimit kufitar Bogorodica.

Janë kapur 166 litër birrë të markave të ndryshme, në një veturë me regjistrim të Maqedonisë, në vendkalimin kufitar Tabanoc, gjatë tentimit për t’u futur në Maqedoni.

Janë kapur 160 palë veshje të ndryshme për fëmijë, gjatë kontrollit të një automjeti me regjistrim bullgar, por me shofer të Maqedonisë, në vendkalimin kufitar Dellçevë.

124 palë prodhimesh të ndryshme janë kapur në një automjet me regjistrim të Maqedonisë, duke tentuar të hyj në vend përmes vendkalimit në Bllacë.

Janë kapur 77 palë syzesh dielli me shenjë të markave të mbrojtura tregtare në doganën në “Aeroporti Shkupi”. /albeu.com/
Shtuar më 19/02/2018, ora 19:05
Shkruani komentin tuaj!
Të fundit nga kjo kategori