Nënkryetari i partisë greke "Demokracia e Re", Stavros Dimas, ka thënë për mediat greke se zgjidhja për problemin e emrit me Greqinë është në duart e kryeministrit të Maqedonisë, Nikolla Gruevski.

Dimas ka theksuar për gazetën "Kathimerini" se pala greke është tërësisht e përgatitur dhe e mbështet procesin bisedues nën patronazhin e Organizatës së Kombeve të Bashkuara.

"Duam ta shohim vendin fqinj se si po lëviz drejt Bashkimit Evropian dhe NATO-s. Është në duart e zotëri Gruevskit që të gjendet një zgjidhje e shpejtë. Në vend se të kërkojë dhe të gjejë pretekste për të akuzuar Greqinë, më mirë është të fokusohet në bisedimet që të arrihet zgjidhje e cila do të ishte në favor të të dyja palëve", ka deklaruar Dimas. /albeu.com/