Dibranët mblidhen për Radikën
Pëlqej
Një nga temat më të diskutuara kohët e fundit, jo vetëm në mesin e shqiptarëve në Maqedoni, por edhe në Shqipëri e më gjerë ka qenë projekti i qeverisë së Maqedonisë për të ndërtuar një hidrocentral mbi Fushën e Likovës, ku parashikohet mes tjerash edhe devijimi i Radikës.

Kjo temë ka prekur ambjentalistët shqiptarë në Maqedoni, ata në Shqipëri, por edhe ata ndërkombëtarë.

Jo shumë kohë më parë, gazeta e madhe evropiane Der Spiegel i kushtoi një shkrim Radikës dhe Parkut të Mavrovës.

Shoqata të ndryshme nga Dibra dhe nga Reka e Epërme, të nxitura dhe nga qeveria e Shkupit, e cila nuk ka reguar përkundrejt kësaj situate, janë mbledhur për ta ruajtur Radikën.

Vendimet e nxjerra nga takimi në komunën Dibër

Pranë komunës së Dibrës, nga takimi mes këshillit komunal të udhëhequr nga Bashkim Mashkulli dhe ekologjistit, Bardhyl Marku, u sollën këta vendime:

1. Më 23 gusht 2014 do të organizohet një piknik-vizitë zonës së Fushës së Lukovës (udhëtimi është individual prej Dibre dhe prej zonës së Rekës, ndërsa nisja prej Dibre do të jetë në orën 9.00);

2. Më 26 gusht 2014, “Qendra për zhvillim të qëndrueshëm të komunitetit” në Dibër, së bashku me Kryqin e Kuq Komunal në Dibër, do të organizojnë fushatë për dhurim të gjakut me moton “Dhurojmë gjak për të shpëtuar jetë – nuk e japim Radikën për të shpëtuar shumë jetë” (në kafeterine “Liburn” në Dibër)

Këto janë vetëm disa nga aktivitetet që do të organizohen bashkërisht nga banorët e Dibrës dhe Rekës për të shpëtuar Parkun Kombëtar “Mavrova” dhe lumin Radika.

Duke pasur parasysh rëndësinë jetike të lumit Radika për këtë zonë, pritet pjesëmarrje e madhe e qytetarëve dhe OJQ-ve dhe angazhim i tyre i drejtpërdrejtë. Në takim kishte edhe përfaqësues nga OSBE.

“Me këto aktivitete do çrënjosim politikët anti-shqiptare dhe anti-dibrane të projektuar shumë dekada, pasiRadika njëherë është marrë edhe në vitet 60-ta të shekullit të kaluar.” – tha mes tjerash për Portalb, kryekëshilltari i Dibrës, Bashkim Mashkulli./albeu.com/


Shtuar më 21/08/2014, ora 14:42
Shkruani komentin tuaj!
Të fundit nga kjo kategori