Diaspora maqedonase kundër Talat Xhaferit
Reagimet e opinionit maqedonas ndaj zgjedhjes së ish-komandantit të UÇK-së, Talat Xhaferi, në krye të Ministrisë së Mbrojtjes, nuk kanë të ndalur.

Diaspora e Bashkuar Maqedonase (DBM) me seli në Uashington, ka dënuar sot zgjedhjen e ish-komandantit, duke e cilësuar si "fyese për diasporën dhe të gjithë qytetarët e Maqedonisë".

"Në bazë të veprave të tij të mëhershme, është e qartë se Xhaferi nuk ka autoritet moral të drejtojë ARM-në, kur dihet se vetë ai u pozicionua kundër këtij institucioni në vitin 2001. Emërimi i një ish-komandanti të UÇK-së për ministër të mbrojtjes, është e pakuptueshme për diasporën maqedonase dhe përbën ofendim për të gjithë qytetarët e Maqedonisë, pavarësisht përkatësisë së tyre etnike", ka deklaruar kryetari i Këshillit Drejtues të DBM-së, Stojan Nikolov, njofton Zhurnal.

DBM ka njoftuar se lajmi për zgjedhjen e ministrit të ri të Mbrojtjes, është pranuar me keqardhje të madhe nga i gjithë komuniteti maqedonas në botë. /albeu.com/
Shtuar më 22/02/2013, ora 10:59

Shkruani komentin tuaj!
Të fundit nga kjo kategori