Deputetët e BDI-së të rreshtuar pas Ahmetit, për koalicion vendos kryesia
"Të gjithë deputetët janë me Ali Ahmetin. Askush nuk vendos në kokë në vetë në BDI. Për çdo vendim, fjalën e fundit e ka kryesia bashkë me kryetarin Ahmeti.

BDI vazhdon të mbetet partia më serioze dhe më demokratike në vend, prandaj ne dënojmë çdo shpifje ndaj saj dhe liderit Ali Ahmeti", kanë thënë nga BDI-ja.

Ndërkohë, BDI në këto zgjedhje është konsideruar si çelësi i formimit të qeverisë së re.

Ende nuk ka asnjë përgjigje të qartë për koalicionin për formimin e qeverisë së re, edhe pse deri më tani janë zhvilluar bisedime mes partive kryesore që morën më shumë mandate gjatë zgjedhjeve të 11 dhjetorit në Maqedoni.

Kujtojmë se liderit të VMRO-së Nikolla Gruevskit, i kanë mbetur edhe pak ditë për të formuar qeverinë e re. /albeu.com/

Shtuar më 25/01/2017, ora 10:12

Shkruani komentin tuaj!
Të fundit nga kjo kategori