Cërvenkovski mund të jetë kandidati i LSDM-së për president
Kur zgjedhjet presidenciale në Maqedoni jane rreth dy muaj larg për partinë LSDM ka përfunduar propozimi i kandidatëve për president të Maqedonisë në Organizatat komunale të LSDM-së.

Gjashtë emra janë ata që dominojnë në propozimet si kandidatë të LSDM-së për president të Maqedonisë në zgjedhjet e 13 prillit 2014.

Burime te LSDM konfirmojnë se thuajse në të gjithë propozim-listat më shumë nominime ka marrë ish presidenti i Maqedonisë, Branko Crvenkovski.

I dyti në listën e nominimeve është bashkëpunëtori i tij i afërt, Stevo Pendarovski. Në listat me propozim për kandidatë presidencial janë edhe Radmila Shekerinska, Ilinka Mitreva, Petar Goshev dhe Denko Maleski.

Burime pranë LSDM-së thonë se nominimi masovik në të gjithë organizatat komunale për Cërvenkovskin i shkakton probleme serioze udhëheqjes aktuale të partisë. /albeu.com/
Shtuar më 19/02/2014, ora 14:03

Shkruani komentin tuaj!
Të fundit nga kjo kategori