Kryetari i Lidhjes Social-Demokrate të Maqedonisë (LSDM), Branko Cërvenkovski, i ka bërë thirrje nga protesta e mbrëmshme në Veles, kryeministrit Nikolla Gruevski, të dalë në një debat publik për të ballafaquar idetë dhe argumentet përpara qytetarëve të Maqedonisë.

Lideri i Opozitës, duke ironizuar, e ka quajtur kryeministrin Gruevski "arkitekt kryesor i Shkupit, komandant suprem dhe kryeredaktor i mediave", ndërsa e ka cilësuar gjendjen socio-ekonomike të qytetarëve të rënduar dhe të papërballueshme.


"Le të dalë dhe le të thotë se ç’do të bëjmë. Por jo, ai del dhe flet se si ka qenë para dhjetë ose njëzet viteve. Z. Gruevski, ju pret një betejë e rëndë dhe e gjatë. Andaj, që tani duhet t’i pastrojmë disa gjëra. Të gjejmë zgjidhje për të mirën e qytetarëve dhe t’ua zbusim dhembjet dhe mundimet. Këtë e presin nga ne qytetarët, por ju nëse doni të flisni për të kaluarën, mund ta heqim nga rendi i ditës këtë çështje. Kij guxim, prano ballafaqim televiziv me mua", ka thënë Cërvenskovski.

“"Maqedonia është sot vend i të varfërve, i të frikësuarve dhe i të gënjyerve", ka thënë Cërvenkovski në tubimin në Veles, ku ka prezantuar dhe kandidatin Aco Kocevski për zgjedhjet lokale në vitin 2013. /albeu.com/