Carlos Slim në dasmën e ministrit Ivanovski?
Njeriu më i pasur në botë, manjati meksikan Carlos Slim, mësohet se ndodhet në Manastir, ku do të marrë pjesë sonte në dasmën e ministrit të Shoqërisë Informatike, Ivo Ivanovski.

Informacioni i tillë është përhapur këtë mëngjes nga mediat maqedonase, të cilat shkruajnë se biznesmeni i pasur është në shoqërinë e presidentit Gjorge Ivanov dhe të kryeministrit Nikola Gruevski.

Nëse informacionet e tilla rezultojnë të vërteta, kjo do të ishte vizita e dytë e miliarderit meksikan pas asaj të realizuar vitin e kaluar, ku mori pjesë në një konferencë ndërkombëtare në Ohër.

Në prill të këtij viti, ndërkaq, i biri i miliarderit dhe drejtor ekzekutiv i grupacionit, paralajmëroi mundësinë e një investimi në teknologjinë informatike dhe të komunikacionit. /albeu.com/
Shtuar më 07/09/2013, ora 12:58
Shkruani komentin tuaj!
Të fundit nga kjo kategori