Bujqit të aplikojnë për mjetet e IPARD
Zëdhënësi qeveritar Aleksandër Gjorgjiev ka thënë se qeveria vendosi që Agjencia për Përkrahje Financiare të Bujqësisë dhe të Zhvillimit rural të shpallë për një muaj thirrjen publike të radhës për shfrytëzimin e mjeteve nga programi IPARD.

"Kjo thirrje publike do të jetë me rëndësi të jashtëzakonshme për bujqit, pasi që vlen disa dhjetëra milionë euro. Thelbi i vet thirrjes është se Qeveria në bashkëpunim me Komisioni Evropian do të financojë madje 50 për qind nga harxhimet për realizimin e projekteve bujqësore", tha sot në konferencë për shtyp zëdhënësi qeveritar, Aleksandar Gjorgjiev.

Thirrja e re do të thjeshtëzojë në mënyrë të konsiderueshme procedurat për aplikimin nga ana e bujqve, do të zgjerohet intervali i financave që merren gjatë bashkëfinancimit të projekteve, do të përmirësohen kushtet dhe do të zvogëlohen harxhimet për bujqit, të cilët dëshirojnë të aplikojnë dhe duhet të sigurojnë dokumente dhe elaborate.

Sipas Gjorgjiev, ekipe të Agjencisë dhe të Ministrisë së Bujqësisë, Pylltarisë dhe Ekonomisë së Ujërave veç janë terren për informim sa më të mirë të bujqve. /albeu.com/
Shtuar më 09/06/2013, ora 18:09
Shkruani komentin tuaj!
Të fundit nga kjo kategori