BFI: Kryqi në Butel, nxitës për përplasje ndërfetare dhe ndëretnike
Protestave të sotme për të kundërshtuar ngritjen e një kryqi gjigant në komunën e Butelit në qytetin e Shkupit u është bashkangjitur edhe Bashkësia Fetare Islame në Maqedoni.

Sipas BFIM, vendosja e kryqit nxit përplasje ndërfetare dhe ndëretnike, prandaj për t'i ikur kësaj, ajo kërkon nga pushteti dhe bashkësia ndërkombëtare që të ndikojnë në anulimin e vendimit të Këshillit të komunës së Butelit.

Më tej, në reagimin e BFIM-së thuhet se, nëse kryqi është vendosur si kundërreagim ndaj vendosjes së shqiponjës në komunën e Çairit, atëherë theksojnë se shqiponja është simbol kombëtar, ndërkaq kryqi është simbol fetar, kështu që nuk përfaqëson një kundërpërgjigje të përshtatshme. /albeu.com/
Shtuar më 27/02/2016, ora 15:06
Shkruani komentin tuaj!
Të fundit nga kjo kategori