Në derën e parë që do të trokasim pas Samitit të NATO-s, është Republika e Greqisë, thotë ministri i Mbrojtjes, Fatmir Besimi, tre ditë pasi Aleanca Veri-Atlantike nuk dha ftesën për anëtarësim të Maqedonisë.

Besimi këto komente i ka bërë për "Radio Europa e Lirë", ku ndër të tjera sqaroi se: "do të kërkojmë nga Athina vazhdimin e dialogut, një dialog intensiv për t’i tejkaluar dallimet dhe se me siguri do të kemi përkrahje nga vendet anëtare të NATO-s për këtë qëllim".


"Pra, kjo është ajo që do ta bëjmë ne në periudhën që vijon. Për tejkalimin e kësaj çështjeje të hapur, ne duhet ta shohim si partnerë njëri-tjetrin, dhe jo si dy palë rivale në një problem", është shprehur ministri i mbrojtjes, Fatmir Besimi. /albeu.com/