BDI, verifikohen kandidatët për kryetar komunash
Kryetari i Bashkimit Demokratik për Integrim, Ali Ahmeti, sot në selinë e BDI-së në Tetovë do të mbledhë Këshillin e Përgjithshëm të partisë. Pikë e rendit të ditës e këtij takimi, siç thuhet në kumtesën e Qendrës për Informim të BDI-së, do të jetë verifikimi i listës së kandidatëve për kryetarë të Komunave për zgjedhjet lokale 2013.

Këshilli i Përgjithshëm i partisë të hënën zhvilloi mbledhje në të cilën kandidate për kryetare të komunës së Tetovës për zgjedhjet vendore të vitit 2013 nga BDI-ja u propozua Teuta Arifi, kandidat për kryetar të komunës së Kërçovës u propozua Fatmir Dehari, për kryetar të Gostivarit, Nevzat Bejta, ndërsa kandidat për kryetar të komunës së Çairit u propozua Izet Mexhiti.

Kandidatët për kryetar të komunës së Strugës dhe të Dibrës u propozuan Arben Llabënishti dhe Ruzhdi Lata, ndërkaq për Sarajin, Bekim Murati, kurse për komunën e Zhelinës, Fatmir Izairi.

Kandidat për kryetar të komunës së Likovës nga Këshilli u propozua Sadulla Duraku, të Bogovinës Hazbi Idrizi, të Tearcës, Isen Asani ndërsa kandidat për Haraçinën është Brahim Ajvazi. /albeu.com/
Shtuar më 16/01/2013, ora 09:10

Shkruani komentin tuaj!
Të fundit nga kjo kategori