BDI përshëndet iniciativën e Todor Petrov
Deklaratën e një dite më parë, të financuesit dhe iniciatorit të kryqit në Butel, kryetarit të Kongresit Botëror Maqedonas Todor Petrov, BDI e cilëson si një hap të guximshëm të cilin duhet respektuar pasi vendimi i tillë i ‘klikës’ që përfaqëson Petrovi kontribuon në tejkalimin e krizës së krijuar ditëve të fundit në Butel.

“Deklarata e fundit e iniciatorit të kryqit se në vend të simboleve që përçajnë duhet të ndërtojmë simbole që bashkojnë komunitetet, është një kualitet i ri dhe deklaratë e guximshme që duhet të respektohet dhe kjo është zgjidhja më e mirë e kësaj situate”,thuhet në kumtesën e BDI-së.

Një ditë më parë Todor Petrovi kërkoi që të ngrihet një përmendore kushtuar Fan Nolit, themeluesit të Kishës Ortodokse Shqiptare si dhe deklaroi se nuk do të ngre padi ndaj sulmuesve që e kishin rrahur atë ditë më parë.

“Kongresi Botëror Maqedonas ngrit iniciativë për ndërtim të një përmendoreje Fan Nolit, themeluesit të Kishës Ortodokse Shqiptare gjatë vitit 1924, edhe atë në kufirin mes Komunës së Çairit dhe Butelit si një dorë e shtrirë për bashkëjetesë mes këtyre dy komunave”, deklaroi Todor Petrov. /albeu.com/
Shtuar më 06/03/2016, ora 15:35
Shkruani komentin tuaj!
Të fundit nga kjo kategori