Ali Ahmeti ka rikonfirmuar qëndrimin e BDI së në qeverisje. Në emisionin “x/0” të televizionit Kanal 5 ai u shpreh se viti 2013 do të jetë viti kur opozita do të ketë shanse që të tregohet në zgjedhjet lokale, kurse nëse ndodhë që të ketë më shumë vota, atëherë do të mendojmë se çka më tutje.


“BDI është parti serioze dhe nuk del nga Qeveria deri sa të zgjidhet problemi i emrit. Edhe nëse e paguajmë me rejtingun tonë, nuk dëshirojmë që ta rrezikojmë stabilitetin e shtetit, të ketë trazira. Gjithashtu, zgjedhje e parakohshme parlamentare nënkuptojnë edhe shpenzime të parave të popullit. Viti 2013 do të jetë viti kur opozita do të ketë shanse që të tregohet në zgjedhjet lokale, kurse nëse ndodhë që të ketë më shumë vota, atëherë do të mendojmë se çka më tutje. Tani është e sigurt se deri në zgjedhjet lokale nuk largohemi nga qeveria”, është shprehur ai. /albeu.com/