Një shpërthim i një bombule gazi ka lënë të plagosur rëndë një grua në qytetin e Lezhës e cila është nisur me urgjencë drejt Tiranës.
Ngjarja ka ndodhur rreth orës 11:25, në fshatin Troshan, Lezhë, tek banesa e shtetasit M.L.
Njoftimi i policisë:
Lezhë / Informacion paraprak
Rreth orës 11:25, në fshatin Troshan, Lezhë, tek banesa e shtetasit M.L. ka shpërthyer një bombël gazi ku për pasojë janë shkaktuar dëme materiale në banesë si dhe është lënduar shtetasja Gj.L. 67 vjeçe, e cila është dërguar për mjekim më të specializuar në QSU Tiranë.
Grupi hetimor ndodhet në vendin e ngjarjes dhe po kryen veprimet hetimore për sqarimin e plotë të rrethanave të ngjarjes.
