PDIU braktis Edi Ramën
BDI: Aeroporti "Aleksandri i Madh" të quhet "Skupi"
Pëlqej
Për BDI-në, është e papranueshme që aeroporti ta mbajë emrin e shefit të parë të shtetit, Kiro Gligorov, propozim i cili vjen nga Klubi i diplomatëve.

Nga BDI-ja thonë se Gligorov ngjall asociacione negative te shqiptarët.

"Aeroporti le të riemërtohet në "Skupi'. Ai është emri i vjetër i Shkupit. Gligorov mbetet në kujtimin se ndante shoqërinë në të majtë dhe të djathtë. Në jehonën e luftës së Kosovës, Gligorov si president shteti propozoi korridor për kosovarët nga Maqedonia deri në Shqipëri. Gligorov zgjon asociacione negative tek shqiptarët e Maqedonisë. Konsiderojmë se nuk ka nevojë të politizohet riemërtimi i Aeroportit", thotë për POST.mk, funksionar i lartë i BDI-së.

Ai shton se duke shikuar nga aspekti politik, do të ishte më e pranueshme nëse aeroporti e mban emrin e Boris Trajkovskit. Por, nga ana tjetër, ai propozim është i papërshtatshëm, sepse Trajkovski e humbi jetën në një aksident ajror. /albeu.com/

Shtuar më 12/11/2017, ora 10:46

Shkruani komentin tuaj!
Të fundit nga kjo kategori