Bashkëshortja e Komandant Lushnjës: Ja kush është Genc Sefa!
Dashurie Uksmajli-Sefa, bashkëshortja e Genc Sefës, një prej të arrestuarve në Kumanovë, ka reaguar ndaj disa personave të cilët duan të degradojnë figurën e bashkëshortit të saj.

Reagimi i saj erdhi, pasi në rrjetet sociale u spekulua se letra e tij për të vërtetën e Kumanovës është shkruar nga ndonjë gazetar.

"A nuk është shumë më mirë të mos flisni fare kur nuk e njihni mire një person?! Se dilni qesharak kur dyshoni se ai paska shkruar një letër pa asnjë gabim gramatikor!!!

Genc Sefa vërtetë ka pas një temperament pak të theksuar si pasojë e humbjes se këmbës në luftën e Kosovës, pastaj si një ndër personat kyç në luftën e UCPMB-se ka mbajtur 7 muaj burg në Bondstill, bashke me 12 shokë të tjerë... e nuk ishte prezent as në lindje të fëmijës së tij.

Para se të pyesni a ka qenë haraqegji, gjë për të cilën ia fusni kot, zotëri më mire hajdeni pyesni sa njerëz ka ndihmuar në forma të ndryshme ai burrë, sa njerëz ka pajtuar në Kosovë, në sa Luftëra ka marr pjesë, në sa vende ka dhënë ligjërata si oficer ushtarak!!!

Genc Sefa ka të mbaruar akademinë ushtarake në Tiranë, në Kosove ka mbaru fakultetin juridik-dega Kriminalistike! Nëse nuk besoni mund tua dëshmoj edhe me dokumente! Kur e vini në dyshim që kjo letër mund të jetë shkruar nga Genc Sefa e kuptoj qartë, që ju nuk e njihni fare nga afër, por spekuloni në bazë të asaj që mund të keni dëgjuar nga armiqtë e tij. Turp duhet tu vije të flisni për njerëz, mbi gjakun e të cilëve sot shteti i Kosovës frymon lirshëm…", shprehet ajo. /albeu.com/
Shtuar më 03/02/2016, ora 16:14

Shkruani komentin tuaj!
Të fundit nga kjo kategori