Basha takon Thaçin: Nxisim bashkëpunimin mes dy partive shqiptare
Kryetari i Partisë Demokratike, Lulzim Basha priti sot kryetarin e Partisë Demokratike Shqiptare të Maqedonisë, Menduh Thaçi në një takim ku u diskutua për situatën politike në Maqedoni.

Basha rikonfirmoi mbështetjen e plotë të Partisë Demokratike për kauzën e drejtë të avancimit të të drejtave të shqiptarëve në Maqedoni dhe përmirësimin e statusit të tyre ekonomik dhe shoqëror.

Në këtë kuadër, Partia Demokratike mbështet zbatimin e plotë të Marrëveshjes së Ohrit, dhe nxit pa asnjë rezervë bashkëpunimin mes dy partive shqiptareMaqedoni, përcjell Portali Albeu.

Duke shprehur këtë qëndrim, Basha tha se bashkëpunimi mes dy partive shqiptareMaqedoni është në përputhje të plotë me vizionin e Partisë Demokratike për avancimin e të drejtave të shqiptarëve të Maqedonisë në frymën e integrimit europian dhe euroatlantik të vendit. /albeu.com/
Shtuar më 09/04/2015, ora 14:03

Shkruani komentin tuaj!
Të fundit nga kjo kategori