Atentati ndaj Gligorov, ndoshta vepër e “Klanit të Zemunit”
Ish-ministri i Punëve të Brendshme, Ljubomir Fërçkovski, mendon se pas atentatit ndaj ish-presidentit Kiro Gligorov, mund të qëndrojë grupi kriminal-mafioz “Klani i Zemunit” nga Serbia.

Fërçkovski dyshon se atentati ka lidhje me aferën e atëhershme “Dëshmitari”, e cila menjëherë pas atentatit, sipas tij, ishte lënë në harresë. “Ndonëse kishte disa informacione lidhur me atentatin, të vetmet gjëra që kanë mundur të thonë të vërtetën, ishin relacionet mes ekzekutorëve të mundshëm nga Serbia.

Atentati dukej si një vepër e Klanit të Zemunit”,-ka thënë për Plusinfo ish-ministri. Më 3 tetor, shënohen 18 vjet nga atentati i kryer me bombë ndaj presidentit të atëhershëm, Kiro Gligorov, gjatë të cilit mbeti i plagosur rëndë. Gligorov ndërroi jetë në 1 janar të vitit 2012, në moshën 94-vjeçare.
Shtuar më 02/10/2013, ora 14:18
Shkruani komentin tuaj!
Të fundit nga kjo kategori