ARM-ja shënon 18 gushtin
Me rreshtim solemn të të punësuarve para ndërtesës së Ministrisë së Mbrojtjes dhe të Shtatmadhorisë së ARM-së, ekspozitë të mjeteve luftarake, teknikës dhe paisjeve të ARM-së në stadiumin ushtarak në parkun e qytetit në Shkup dhe koncert të orkestrës ushtarake në sheshin "Maqedonia" sot do të shënohet 18 gushti - Dita e ARM-së.

Në solemnitetin para MM-së dhe SHM-së së ARM-së, do të mbajë fjalim shefi i ARM-së, gjeneral-majori Goranço Koteski ndërsa do të marrin pjesë edhe ministri i Mbrojtjes Talat Xhaferi, zëvendësministri i Mbrojtjes Emil Dimitriev, zëvendësi i shefit të SHM-së së ARM-së, gjeneral majori Naser Sejdini, sekretari shtetëror në Ministrinë e Mbrojtjes Sasho Stefanoski, drejtori i SHM-së së ARM-së, gjenerali i brigadës Dimçe Petrovski, udhëheqësit në MM, shefat e njësive organizuese në SHM të ARM-së dhe të punësuarit në MM dhe SHM të ARM-së.

Ashtu siç është paralajmëruar, në solemnitet do të lexohen urdhëra për avancim, dorëzim të plaketave, shenjave, mirënjohjeve dhe masave të tjera stimuluese për anëtarët e MM-së dhe SHM të ARM-së me rastin e ditës së ARM-së.

Në stadiumin ushtarak në parkun e qytetit në Shkup në suaza të programit për shënimin e ditës së ARM-së, do të hapet ekspozita e mjeteve luftarake, teknikës dhe paisjeve të ARM-së. Ekspozitën do ta vizitojnë ministri Xhaferi dhe shefi i SHM të ARM-së Koteski.

Tubimin taktik-teknik do të mund ta vizitojnë qytetarët e Shkupit dhe Republikës së Maqedonisë më 17 gusht, ku krahas mjeteve teknike materiale dhe automjeteve luftarake dhe armatimit të ARM-së, do të tregohet edhe helikopteri luftarak Mi-24.

Ekspozita e armatimit dhe paisjes do të organizohet edhe në kasermat e ARM-së në Kumanovë, Petrovec, Shtip, Prilep dhe Kërçovë, ku gjatë ditës qytetarët do të mund ta vizitojnë ekspozitën dhe të shoqërohen me anëtarë të ARM-së.

Për herë të parë këtë vit në sheshin "Maqedonia" në Shkup me fillim në orën 19:00 do të organozohet koncert i orkestrit ushtarak. Në koncert, krahas orkestrit ushtarak do të marrin pjesë artistë të estradës si Dragan Mijallkovski, Esma Rexhepova Teodosievska, Mustafa Ymeri, dhe Bllaga Petreska, shkruan Alsat-m.

Programi do të pasurohet edhe me pjesëmarjen e grupit folklorik të qendrës kulturore për fëmijë "Karposh" nga Shkupi, ndërsa do të marrin pjesë edhe anëtarë të bataljonit të nderit të ARM-së, të cilët do ta realizojnë pikën "EGZIRCIR" me të cilën do t'i demonstrojnë aftësitë e tyre dhe stërvitjen në rreshtim me përdorimin e pushkës. /albeu.com/
Shtuar më 16/08/2013, ora 13:19
Shkruani komentin tuaj!
Të fundit nga kjo kategori