Analistët: Pasojat e votave të shqiptarëve për LSDM do të jenë historike
I ftuar në emisionin "studio e hapur" publicisti Latif Mustafi ka reaguar në lidhje me rezultatet e zgjedhjeve të zhvilluara vetëm dy ditë më parë.

Vota e shqiptarëve për LSDM-në dhe koalicioni prej në rreth të parë mes BDI-së dhe LSDM-së sipas tij do të ketë pasoja historike për shqiptarët.

Këtë çështje thotë ai, edhe më shqetësuese e bën fitorja e një partie maqedonase në një komunë të pastër shqiptare që ndodh për herë të parë.

Ndërkohë nga ana tjetër analisti Sefer Tahiri, është shprehur se koalicioni mes BDI-së dhe LSDM-së është pragmatik dhe se bëhet vetëm për shkak të numrave.

Ai kujtoi se kjo nuk është hera e parë për BDI-në, pasi kandidatët e kësaj partie kanë marë vota edhe nga VMRO-DPMNE. Por publicisti Iljasa Saliu, thotë se pas kësaj fshihen tendeca për ndryshimin e identitetit të shqiptarëve.

Redaktori i Televizionit SHENJA, Benjamin Arifi thotë se mbështetja e LSDM dhënë kandidatëve të BDI-së nuk është i sinqertë dhe nuk ka të bëjë vetëm me zgjedhjet lokale. Ai vlerëson se LSDM tenton që ta mbajë gjallë BDI-në si një parti të kontrolluar.

Këto komente u bënë në emisionin “Studio e Hapur” në televizionin Shenja, ku analistët paralajmëruan intensifikim të fushatës dhe zhvillimeve politike në rrethin e dytë të zgjedhjeve lokale.
Shtuar më 17/10/2017, ora 20:19
Shkruani komentin tuaj!
Të fundit nga kjo kategori