Ambasadori aktual i Estonisë në Turqi, Aivo Orav, do të jetë ambasadori i ri i Bashkimit Evropian në Maqedoni. Vendimin që të mërkurën e bëri të ditur Brukseli, e ka sjellë Shefja e diplomacisë evropiane, Catherine Ashton, njofton Zhurnal.

Orav në Maqedoni vjen në vend të ambasadorit Peter Sorensen, i cili vetëm pas disa muajve të kaluara në Shkup, në qershor u emërua ambasador i BE-së në Bosnjë e Hercegovinë. Pritet që ai ta marrë detyrën në fillim të muajit shkurt.