Ali Ahmeti: Nuk bëjmë kompromise në dëm të shqiptarëve
Kreu i BDI-së, Ali Ahmeti, duke folur për krizën aktuale në Maqedoni të shkaktuar pas refuzimit të dhënies së mandatit Zoran Zaevit dhe ligjit të gjuhës shqipe, ka thënë se nuk do të bëjë asnjë zgjidhje e cila i bën dëm shqiptarëve të Maqedonisë.

"Nuk është çështja këtu e lëshimit pe, nuk është çështja këtu e kompromiseve, këto janë çështje shumë parimore, shumë të rëndësishme që lidhen drejtpërsëdrejti edhe me përmbylljen e vetë Marrëveshjes së Ohrit, si një dokument i cili e prodhoi paqen, instaloi paqen në Republikën e Maqedonisë dhe aspak nuk është menduar bile që të bëhen lëshime të tilla", u shpreh Ahmeti për "Alsat M".

"Edhe tash e tutje ne do menaxhojmë përsëri me situatën por jo edhe duke bërë kompromise në dëm të MO-së dhe në dëm të shqiptarëve.

Ne sot do ti shqyrtojmë të gjitha mundësitë kushtetuese, se si janë ato të parashikueshme me kushtetutë dhe ne mendojmë që zoti Ivanov duhet të jetë i kujdesshëm, ta rishqyrtoj edhe njëherë pozicionin e tij sepse këtu nuk duhet të bëhet eksperiment me shtetin me paqen

Ne do bëjmë thirrje deri te Zoti Ivanoiv që ai edhe njëherë të rishqyrtoj pozicionin e tij dhe të shoh mundësit reale në zbatim të kushtetutës të RM-së. Në interes të askujt nuk shkon bllokimi i shtetit dhe bllokimi i institucioneve", ka thënë kreu i BDI-së Ahmeti. /albeu.com/
Shtuar më 03/03/2017, ora 16:11

Shkruani komentin tuaj!
Të fundit nga kjo kategori