Ali Ahmeti nga Tearca: BDI ka ndaluar emigrimin masiv të të rinjve
Bashkimi Demokratik për Integrim ka zhvilluar tubimin e rradhës në Tearcë. Nga kjo komunë, kryetari i partisë dhe kryesuesi i listës zgjedhore nr.6 Ali Ahmeti iu bëri të ditur shqiptarëve se BDI është përkujdesur për të rinjtë, duke mos i lënë ata të largohen nga vendi.

Ahmeti u shpreh se janë plot 14 mijë të rinj shqiptarë që votojnë për herë të parë dhe një numër i tillë vjen vetëm si rezultat i politikave të BDI-së për ndalimin e procesit të emigrimit të të rinjve jashtë vendit.

"Janë 14 mijë të rinj shqiptarë që votojnë për herë të parë. Ne kemi nisur të stopojmë emigracionin duke hapur vende të reja të punës. Unë e di se duhet shumë punë për të bërë. Zona e Lirë Ekonomike në Tetovë premton se për 5 vite do të hapen mbi 7 mijë vende të reja pune”,tha Ahmeti.

Në fund, ai theksoi se BDI po përkudjeset po njëlloj për tiu siguruar punë të rinjve dhe në Strugë dhe Kërçovë. /albeu.com/

Shtuar më 20/04/2014, ora 09:56
Shkruani komentin tuaj!
Të fundit nga kjo kategori