Ahmeti takon ambasadorin kroat, diskutohet integrimi në BE
Kryetari i Bashkimit Demokratik për Integrim, Ali Ahmeti është takuar sot me ambasadorin e Kroacisë në Maqedoni, Zlatko Kramariç.

Në njoftimin për shtyp të BDI-së thuhet se temë kryesore e takimit ka qenë integrimi në NATO dhe BE i Maqedonisë. Ahmeti ka shfrytëzuar rastin të urojë Kramaric për hyrjen në bllokun evropian dhe të kërkojë mbështetjen në procesin e integrimit.

“Ambasadori kroat vlerësoi bashkëpunimin me BDI-në dhe shprehu gjithashtu interes rreth zhvillimeve politike në vend, në veçanti rreth vizitave të kryetarit Ahmeti në SHBA dhe në qendrat evropiane, çështjen e emrit, integrimet euroatlantike, si dhe zgjedhjet Presidenciale të vitit të ardhshëm. Bashkëbiseduesit gjithashtu biseduan edhe për bashkëpunimin bilateral ekonomik midis dy vendeve”,-thuhet në komunikatën për shtyp të BDI-së.

Ahmeti pati po ashtu edhe një takim me ambasadoren e Belgjikës, Anik Van Kalster, e cila mbulon Maqedoninë nga Sofja. /albeu.com/

Shtuar më 19/11/2013, ora 17:30
Shkruani komentin tuaj!
Të fundit nga kjo kategori