Ahmeti i kërkon sërish ndihmë ndërkombëtarëve për përgjimet
Kryetari i Bashkimit Demokratik për Integrim, Ali Ahmeti, ka pritur sot në selinë e partisë në Tetovë ambasadorin e Norvegjisë, Nils Ragnar Kamsvag. Ahmeti dhe Kamsvag shkëmbyen opinione rreth zhvillimeve aktuale politike në Maqedoni, për aferën e përgjimeve masive si dhe integrimin EuroAtlantik të Maqedonisë, njofton kabineti i Ahmetit.

Ahmeti theksoi që Komisioni Evropian duhet të bëhet pjesë e lehtësimit të arritjes së zgjidhjes së problemit të madh me përgjimet masive joligjore në vend dhe në rivendosjen ne dialogut politik.

BDI konsideron që dialogu politik duhet të vendoset sa më parë dhe me ndërmjetësim ndërkombëtar, ndërsa zgjidhja e situatës duhet të jetë rezultat i vullnetit konstruktiv të partive politike në vend nëpërmjet të dialogut të mirëfilltë.

Ahmeti bëri thirrje për angazhim të drejtpërdrejt të komunitetit ndërkombëtar në zgjidhjen e çështjes së emrit. /albeu.com/
Shtuar më 19/03/2015, ora 14:38
Shkruani komentin tuaj!
Të fundit nga kjo kategori