AAK: Ministri i Brendshëm i Maqedonisë po shpif për Haradinaj
Sipas AAK-së, akuzat e Ministrit të Brendshëm të Maqedonisë se prapa ngjarjeve në Kumanovë, qëndron Ramush Haradnaj me njerëzit e tij, janë shpifje ordinere të elementëve kriminalë të Qeverisë së Shkupit.

Në reagimin e AAK-së thuhet se Haradinaj e askush nga njerëzit e tij, s’ka pasur asnjë lidhje as me Kumanovën e as me ngjarjet tjera të kësaj natyre, të cilat janë sponosorizuar nga vetë qarqet politike kriminaleShkupit, kjo me qëllim të amistimit të veprimeve kriminale që i kanë ndërmarrë vet.

“Kosova ka marrëdhënie të mira me Maqedoninë dhe është e interesuar të zhvilloje fqinjësi të mirë, por deklarata të tilla të pavërteta dhe nxitëse, janë në kundërshtim me fqinjësinë e mirë.

Prandaj Qeveria e Shkupit duhet të distancohet nga deklaratat e Ministrit të vet, sepse ajo e di më mirë se askush tjetër se kush qëndron prapa ngjarjeve në Kumanovë dhe zhvillimet atje, t’i emërtoje me emrin që kanë!” thuhet në një komunikatë të AAK-së.

Shtuar më 06/06/2016, ora 16:44
Shkruani komentin tuaj!
Të fundit nga kjo kategori