A do të kthehen testet PCR me Maqedoninë, ja çfarë thotë Hoti
Kryeministri i Kosovës, Avdullah Hoti, sot në Shkup nuk ka saktësuar nëse do të vendosen PCR teste për qytetarët e Maqedonisë pas rritjes së numrit të të infektuarve me Kovid-19.

Në pyetjen e gazetarëve pas konferencës së përbashkët për shtyp me kryeministrin Zoran Zaev, Hoti porositi se masat që ndërmerren, të mos shikohen si kufizuese, por si masa për parandalim të virusit.

“Ministrat e Shëndetësisë të të dy shteteve punojnë së bashku. Kosova tani është në gjendje më të mirë se sa më parë, ndërsa këtu në Shkup filloi të rritet numri i të sëmurëve. Masat që i ndërmarrim, duhet të nënkuptohen si masa për parandalim të virusit, ndërsa jo si masa kufizuese”, tha Hoti.

Në lidhje me deklaratën e mëparshme të njeriut të parë nga Kombet e Bashkuara Antonio Guteresh se presidenti kosovar Thaçi dhe lideri i Partisë Demokratike Kadri Veseli e pengojnë punën e Gjykatës Speciale për krime lufte, kryeministri kosovar tha se shumë herë deri tani si shtet kanë treguar vendosmëri të tërësishme të respektohen vendimet e organeve juridike.
Shtuar më 23/10/2020, ora 22:03

Shkruani komentin tuaj!
Të fundit nga kjo kategori