​Armata e Maqedonisë dhe SHBA-ve do të prezantojnë pajisjet ushtarake në Shkup
Në kuadër të trajnimit ushtarak “Dragoon Guadrian 2017”, sonte në Shkup tek porta “Maqedonia”, do të organizohet prezantimi i pajisjeve ushtarake të Armatës së Republikës së Maqedonisë (ARM) dhe Armatës së SHBA-ve në Evropë.

Përkrah prezantimeve të pajisjeve ushtarake, qytetarët do të kenë mundësi të ndjekin edhe një trajnim të shkurtë për vetëmbrojtje, ndërsa njëkohësisht do të mbahet edhe garë për më të rinjtë.

Në prezantim do të marrë pjesë zv.ministri i Mbrojtjes, Bekim Maksuti dhe komandanti i njësitit për operacione speciale, Orce Jordev.

Në trajnimin “Dragoon Guadrian” marrin pjesë 300 pjesëtarë të forcave të armatosura të SHBA-ve, të cilët gjatë ditës së djeshme me makina luftarake u futën në Maqedoni në kalimin kufitar “Deve Bair” përmes Bullgarisë.

Trajnimi zyrtarisht do të realizohet në fushën amerikane “Krivoklak”, ndërsa dje pajisjet ushtarake u prezantuan në Kumanovë. /albeu.com/
Shtuar më 29/07/2017, ora 13:06

Shkruani komentin tuaj!
Të fundit nga kjo kategori