Një zjarr ka shkrumbuar banesën e Fatmir Shehut në lagjen nr 5 në qytetin e Memaliajt.
PMNZSH Memaliaj ka shkuar me urgjencë në vendngjarje ku ka bërë të mundur shpëtimin e katër pjesëtareve të familjes Shehu, njeri prej të cilëve ka pësuar djegie të lehta dhe është asfiksuar.
Sipas grupit hetimor, zjarri ne banese është provokuar nga një qiri i ndezur në dhomën e gjumit nga një pjesëtar i familjes.
Kryefamiljari i familjes Shehu ka humbur gjurmët disa kohe me parë ndërkohe qe katër pjesëtaret e ngelur kanë probleme të shëndetit mental. Zjarri ka shkaktuar dëme ne materiale çka pjesëtarët e familjes Shehu prej ditës se sotme do të qëndrojnë në qiell të hapur.
Njoftimi i policisë:
Memaliaj/Informacion paraprak
Rreth orës 21:30, në Memaliaj, ka rënë zjarr në banesën e shtetasit F. Sh., rreth 50 vjeç.
Menjëherë pas marrjes së njoftimit, në vendngjarje kanë shkuar shërbimet zjarrfikëse dhe shërbimet e Policisë, të cilat kanë bërë të mundur nxjerrjen e 4 shtetasve që ndodheshin në banesë.
Për shkak të asfiksisë nga zjarri, shtetasi F. Sh. është transportuar në spitalin Rajonal Gjirokastër, për të marrë ndihmën mjekësore.
Nga veprimet e para hetimore dyshohet se zjarri ka rënë për shkak të pakujdesisë së shtetasve që ndodheshin në banesë.
Në vendngjarje ndodhet grupi hetimor, i cili po punon për sqarimin e rrethanave të ngjarjes./albeu.com
