Mos ndarja e asnjë denari për shënimin e 100 vjetorit të ditës së Flamurit nga ana e Ministrisë së Kulturës dhe reagimi i Institutit për Trashëgimi Kulturore për mungesën e këtyre mjeteve do të pasojë me shkarkime të funksionarëve të Bashkimit Demokratik për Integrim (BDI).

Një burim partiak i BDI-së thotë për “Lajm” se kryesia është duke përcjellë situatën e të dyja palëve tash një kohë më të gjatë dhe nuk përjashton mundësinë e shkarkimit të dy funksionarëve të cilët janë duke dëmtuar imazhin e partisë në një periudhë të pakëndshme për partinë.

“Funksionaret e BDI-se ndjehen aq te fuqishëm sa secili për vete bën fushatë mediatike dhe në fund e paguan faturën subjekti. Dy funksionarët që po prishin imazhin pritet që ta pësojnë shumë shpejt”, tha i njëjti burim.