Themeluesi i Facebook, i cili kohë më parë bleu kompaninë Instagram në një vlerë rreth 1 miliardë dollarë ka reaguar ndaj, siç e quan ai, papërgjegjësisë së përdoruesve të këtij shërbimi.

Siç pohojnë burime nga zyrat e Facebook, ka disa ditë që Zuckerberg gjendet në gjendje depresioni për shkak të "performancës jo të kënaqshme të Instagram" ku më shumë se çdo gjë tjetër, njerëzit ngarkojnë fotografi macesh, qensh, ylberësh, dylberësh, e herë pas here edhe të ndonjë shoku.

I mërzitur nga kjo situatë, Zuckerberg thuhet të jetë mërzitur dhe nevrikosur duke kërcënuar se do i vërë flakën këtij shërbimi nëse njerëzit vazhdojnë të mbushin faqet e tyre me fotografi macesh dhe qensh.

"Ju betohem që do e mbyll fare. Pse, budalla jam unë që të paguaj 1 miliardë dollarë për t'iu bërë reklamë maceve dhe qenve tuaj që ju kanë ngel në shpi?!", thuhet të jetë shprehur Mark Zuckerberg. /albeu.com/

SHËNIM: Lajmet në "Llafet e Dynjasë" nuk janë të vërteta. Ato janë trajtime përqeshëse të fenomeneve dhe ngjarjeve të zakonshme.