"Llafet e Dynjasë": Të gjithë në rradhë për të ndihmuar në ndërtimin e xhamisë
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Besimtarët myslimanë të Shqipërisë kanë vendosur që nesër, e premte, menjëherë pas namazit të xhumasë në xhaminë Et'hem Beu në Tiranë të bëjnë një lutje të përbashkët ku do t'i luten Zotit që duke filluar nga sivjet, zgjedhjet në Shqipëri të mbahen çdo vit, jo njëherë në katër vjet siç mbaheshin deri më tani.

Sipas zyrtarëve të lartë të Komunitetit Mysliman të Shqipërisë, Këshilli i Përgjithshëm i këtij institucioni ka vendosur që të organizojë këtë lutje pasi nëse lutja do t'ju pranohet nga ana e Allahut dhe zgjedhjet mbahen çdo vit, atëherë ekziston mundësia që nisma e iniciuar para 21 vitesh për ndërtimin e xhamisë së madhe në Tiranë, të realizohet në 25 vitet e ardhshme.

Ky optimizëm në planifikim e xhamisë është përllogaritur duke planifikuar kalimin çdo vit para zgjedhjeve të një vendimi ose proçedure zyrtare për ndërtimin e xhamisë. Vetëm në këtë mënyrë, xhamia do të mund të përfundonte pas 25 vitesh.

Kështu, sivjet do të rregullohej çështja e tokës ku do të ndërtohet xhamia, vitin tjetër do të hapej tenderi për projektin, një vit më vonë do të miratohej plani, në vitin e katërt do të jepej leja e ndërtimit, ... e kështu me rradhë.

Ndërkohë, "Llafet e Dynjasë" mëson se pas përcaktimit të datës së zgjedhjeve, KMSH papritmas është gjendur në një pozitë të padëshirueshme dhe nën presionin e premtimeve të gjithë politikanëve shqiptarë pa dallim race e feje, duke rënë në hall se ofertën për ndihmë të cilit politikan t'a pranojë.

"Kemi shumë oferta, të gjithë duan që xhamia të ndërtohet sa më shpejtë, mundësisht për 2-3 muaj që të arrij zgjedhjet por ne jemi shprehur se jemi të vendosur që xhaminë t'a ndërtojmë pasi të rregullohet çështja e tokës dhe të merret leja e ndërtimit sipas ligjeve në fuqi", shprehet një zyrtar i KMSH-së i cili preferon të ngelet anonim.

Zyrtari shprehet se ka edhe nga ata që ofrojnë shërbimin "xhami me çelësa në dorë" por edhe kjo për KMSH-në është e papranueshme.

"Xhaminë e bëjmë vet. Jemi shumicë në këtë vend. Lekët e xhepit po i nxorrëm ndërtojmë pesë xhami si kjo që do të ndërtohet. Financimin e rregullojmë, mjafton të na jepni lejen", shprehet në fund zyrtari i KMSH-së. /albeu.com/

SHËNIM: Lajmet në "Llafet e Dynjasë" nuk janë të vërteta. Ato janë trajtime përqeshëse të fenomeneve dhe ngjarjeve të zakonshme.
Shtuar më 17/01/2013, ora 18:15
Shkruani komentin tuaj!
Të fundit nga kjo kategori
 
A mendoni se Shqipëria do të kalojë fazën e grupeve në EURO 2016?
65.63 %
28.89 %
5.47 %
Total 9064 Vota!
 
Taulant dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Taulant dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian