Kryetarët e Komunave luten: O Zot, ndale shiun se na prishi asfaltin!
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Kryetarët e Komunave shqiptare në Maqedoni, të cilat kanë arritur të shfrytëzojnë ndonjë lidhje personale me ministrin apo liderin e tyre dhe falë kësaj lidhjeje kanë arrit të marrin ndonjë buxhet apo në forma të ndryshme tashmë të njohura në Maqedoni të shtrojnë disa qindra metra rrugë në komunat ku ata drejtojnë, po përjetojnë ditë vështira me motin me shi që ka kapluar Maqedoninë.

Burime konfidenciale deklarojnë për "Llafet e Dynjasë" të Portalit Albeu se kryetarët e Komunave kanë frikë nga shiu i vazhdueshëm që bie disa ditë rresht.

Sipas këtij burimi, kryekomunarët kanë frikë se po vazhdoi shiu edhe disa ditë, do të prishet asfalti i shtruar muaj më parë dhe kjo rrezikon seriozisht rezultatet e zgjedhjeve pasi siç shprehet njëri nga kryetarët e komunave, gjëja e vetme që kanë arrit të bëjnë në 4 vjet janë disa metra asfalt dhe disa gropa të kanalizimit.

"Kam katër vjet që i lutem ministrit dhe bacës, dhe më në fund gjithsej 1376 metra asfalt kam shtru dhe tre gropa kanalizimi i kam hap. Po ma prishi shiu asfaltin dhe mi mbushi me ujë gropat që kam në plan t'i mbush në 4-vjeçarin e ardhshëm, çka .... do ju them njerëzve që kam bërë për 4 vjet?!", është shprehur i mërzitur dhe shqetësuar kandidati i njërës prej komunave shqiptare në Maqedoni.

Me këtë rast, "Llafet e Dynjasë" i bashkohet lutjeve të kryekomunarëve, jo pse ata duan, por me dëshirën që rrugët të mos prishen pasi koha kur dikush mund të kujtohet të hedh ca lopata asfalt mbi to mund të jetë disa muaj para zgjedhjeve të ardhshme lokale pas 4 vitesh. /albeu.com/

SHËNIM: Lajmet në "Llafet e Dynjasë" nuk janë të vërteta. Ato janë trajtime përqeshëse të fenomeneve dhe ngjarjeve të zakonshme.
Shtuar më 26/02/2013, ora 15:30
Shkruani komentin tuaj!
Të fundit nga kjo kategori
 
A mendoni se Shqipëria do të kalojë fazën e grupeve në EURO 2016?
65.64 %
28.88 %
5.47 %
Total 9063 Vota!
 
Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian