"Llafet e Dynjasë" zbulon sekretin e ngutjes së Ramushit për t'u bërë kryeministër
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Stafi i "Llafet e Dynjasë" në Albeu.com ka arritur të zbulojë misterin e ngutjes së kryetarit të AAK-së Ramush Haradinaj, për t'u bërë kryeministër i Kosovës.

Hipotezat e para ishin se Hashimi e thirri Ramushin të vinte sa më shpejtë në Kosovë pasi ai planifikonte të linte postin e kryeministrit dhe që të mos ia zinte dikush tjetër vendin, e luti që të sakrifikonte dhe të kthehej sa më shpejt nga Haga.

Por, problemi doli që 20 minuta pasi Ramushi zbriti nga avioni dhe pas deklaratës së përbashkët për shtyp u larguan së bashku me makinë në drejtim të panjohur.

Shoferi i makinës që transportonte kryeministrin aktual dhe ish-kryeministrin, ka deklaruar se fjala e parë që Ramushi i tha Hashimit pasi hyri në makinë ishte "A ma le". I mërzitur nga fakti që Ramushi para se ta pyeste për shëndetin dhe familjen, e pyeti "a ma le kolltukun", Hashimi vendosi ta lodhë Ramushin edhe për disa muaj. Sipas këtij versioni, njerëz të afërm me Hashimin kanë deklaruar se kryeministri aktual është shprehur se s'do ja lëjë postin "me një të lypme".

Por në fakt, "Llafet e Dynjasë" mësojnë se e vërteta e ngutjes së Ramushin është diçka tjetër.

Burime nga zona e Dukagjinit thonë se Ramushi dy ditë para se të kthehej në Kosovë, kishte vënë bast me vllain e tij Dautin, se do të bëhej kryeministër brenda një javë pasi të kthehet në Kosovë, në të kundërtën, për çdo javë do t'i paguante gjobë 100 mijë euro.

I ngelur ngusht, Ramushi tani po provon çdo rrugë me të vetmin qëllim, të bëhet kryeministër dhe të shpëtojë nga gjoba dhe gazi i vllait. /albeu.com/

SHËNIM: Lajmet në "Llafet e Dynjasë" nuk janë të vërteta. Ato janë trajtime përqeshëse të fenomeneve dhe ngjarjeve të zakonshme.
Shtuar më 13/01/2013, ora 11:30
Shkruani komentin tuaj!
Të fundit nga kjo kategori
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com