Në lidhje me vrasjen e Pjerin Xhuvanit në Elbasan, janë zgjeruar hetimet dhe sekretari i përgjithshëm i PD-së, Gazment Bardhi do thirret në Prokurori për të dëshmuar.
Ish-kryeministri Sali Berisha, në një konferencë me gazetarët, u shpreh se së bashku me Bardhin, duhet të thirret edhe kreu i Grupit Parlamentar të PS-së, Taulant Balla.
“Autori kryesor politik i ngjarjes është Taulant Balla dhe kjo është shumë evidente. Unë në Parlament jam shprehur që të dy ata janë përgjegjës politikë për ngjarjen. Por të thërrasësh Bardhin pa thirrur Ballën nuk bën asgjë tjetër vetëm provon SKAP-un e partisë. Balla nxori njerëzit me karta dhe lista votimi duke shpërndarë para. Unë nuk jam për hetim të njëanshme, unë jam për hetime të vërteta. Nuk mund që njëri të jetë mbi ligjin dhe tjetri nënë ligjin”, tha Berisha./albeu.com
