Suedia, vendi ideal për të jetuar në pleqëri
Vendi më i mirë për të jetuar kur arrin moshën e tretë është Suedia. Sipas një studimi të OKB-së, më i keqi është Afganistani. Indeksi global i mbikqyrjes së moshës (GAËI) ka kontrolluar kualitetin e jetës së të moshuarve në 91 kombe të ndryshme.

Në vend të dytë janë Norvegjia dhe Gjermania, ndërsa Britania gjendet e 13-ta. Raporti thotë se shumë vende nuk janë të afta për të dhënë mbështetjen e duhur ndaj popullsisë së moshuar të tyre. Nga viti 2050, njerëzit më të vjetër do të tejkalojnë grupmoshën e nën 15-vjeçarëve për herë të parë, teksa shumica e të moshuarve do të gjendet në vendet në zhvillim.

Raporti në fjalë u publikua në ditën e të moshuarve, me kontributin e Fondit të Popullatës së OKB-së. Kërkuesit përdorën 13 tregues të ndryshëm, përfshi të ardhurat dhe punësimin, sigurimin shëndetësor, edukimin dhe zhvillimin, në atë që ata thanë se ishte studimi i parë i këtij lloji, që mbahet në nivel global.

Pasuria nuk ka qenë i vetmi faktor i marrë në konsideratë, teksa vende si Sri Lanka, Bolivia dhe Mauritania janë renditur mbi disa vende të tjera shumë herë më të pasura se to. Për t’u theksuar, Rusia gjendet e 78, India e 73, Turqia e 70. Ndërsa Brazili dhe Kina shihen më të favorizuar nga kërkuesit, respektivisht në vendet 31 dhe 35.
Shtuar më 02/10/2013, ora 11:59

Shkruani komentin tuaj!
Të fundit nga kjo kategori