Rama dërgon ministrat e Kosovës dhe Shqipërisë te restoranti i peshkut të Gjergj Lucës

Ditën e sotme, në Elbasan u zhvillua mbledhja e 7-të e qeverisë shqiptare dhe asaj të Kosovës ku u firmosën 16 marrëveshje mes dy vendeve.

Në fillim mbledhja ishte njoftuar se do të zhvillohej në Durrës, por disa ditë vendndodhja u ndryshua dhe u vendos të mbahej në Elbasan.

Si duket, kryeministri Edi Rama ka zgjedhur të çojë kabinetin e tij dhe ministrat e qeverisë së Kosovës në restorantin e biznesmenit Gjergj Luca, te “Fish City”.

Rama njihet për miqësinë me Lucën, dhe shpeshherë kanë zhvilluar takime miqësore dhe pune bashkë. Ndërsa ky i fundit është një person jo shumë i pëlqyer nga qytetarët shqiptarë.

Kujtojmë se së fundmi, kur u prezantua buxheti për peshkatarët, Luca shpërtheu në ofendime ndaj fermerëve që protestonin kundër paketës fiskale. Ai i quajti fermerët horra, ndërsa thoshte se duhet ta falënderojnë qeverinë për mbështetjen e dhënë, sipas tij 200 milionë euro në 4 vite.

Po ashtu Luca është etiketuar oligark nga disa figura politike, dhe këtë e ka pohuar dhe vetë duke thënë:  “Ne jemi të gjithë oligarkë! Kush punon në këtë vend është oligark?!”.

Nuk dihet nëse kjo zgjedhje e Ramës për të çuar dy qeveritë në restorantin e Lucës ka qenë e qëllimshme./albeu.com

 


Shtuar 26.11.2021 11:55