Si të gatuajmë makarona me salçiçe
Pëlqej
Doni të bëni një gatim shpejt e shpejt, sepse kohën e keni të kufizuar. Nëse po kërkoni një recetë të thjeshtë për makaronat, më poshtë ju sugjerojmë një të tillë, për një pjatë të shijshme. Janë të gjithë përbërës të thjeshtë, që i gjeni lehtësisht në dollapin apo frigoriferin tuaj.

Përbërësit:
250 gr spageti
250 gr salçiçe
2 lugë salcë domatesh
1 qepë
1 karrotë
2 thelpinj hudhër
3 lugë vaj
Kripë
Piper
Borzilok
100 gr djathë kaçkavall i grirë

Përgatitja:
Filloni duke prerë salçiçet në copa të vogla dhe më pas hidhini për të zier në ujë të valuar, për gati 10 minuta. Hidhni vajin në një tigan të thellë dhe përzieni qepën, hudhrat dhe karrotën, duke i skuqur fare pak. Shtoni në tiganin e thellë edhe salçiçet dhe më pas gatuajeni përzierjen për 30 minuta në zjarr të ngadaltë, duke shtuar pak ujë. Në një tenxhere tjetër, vendosni makaronat të ziejnë dhe kur të kenë përfunduar zierjen, sipas kohës të shkruar në paketimin e tyre, hidhuni sipër salcën e përgatitur. Shërbejini me djathë kaçkavall të grirë dhe me disa gjethe borzilok sipër.
Shtuar më 31/10/2017, ora 23:36
Shkruani komentin tuaj!
Të fundit nga kjo kategori