Shkaktarët e gjumit të çrregullt
Studimet kanë treguar se shkaktari bazë i çrregullimit të gjumit është stresi në punë, ndërsa të dytët në listë janë problemet familjare dhe ato shëndetësore. Doktori Bernd Herberger, sqaron se si të luftoni kundër pagjumësisë dhe pse gjumi kontribuon që të jeni të bukur, të mençur dhe të suksesshëm.

Terapia e gabuar
Të gjithëve u ndodh që të flenë keq, por kur duhet të kërkoni këshillën e mjekut? Nëse më shumë se një muaj gati çdo natë flini keq, duhet të bisedoni me mjekun, thotë dr. Herberger. Për fat të keq, shpesh kalojnë shumë vjet para se pacientët të marrin terapinë e duhur. Në botë ekziston mundësia e specializimit të mjekëve, psikologëve dhe psikoterapeutëve, pra specializimi edhe për somnologji. Ekzistojnë hiç më pak se 82 diagnoza të çrregullimit të gjumit, me shkaktarë plotësisht të ndryshëm, duke filluar nga gërhitja e deri te depresioni. Te shumë pacientë, nga pagjumësia pason stresi psikik, p.sh. ndërrimi i vendit të punës, shkurorëzimi apo vdekja e personit të afërt. Tipike për këtë lloj çrregullimi është se shkaktarët, pas një kohe të caktuar, më nuk luajnë kurrfarë roli apo nuk ka më të tilla, por pagjumësia ende zgjat.

Procesi aktiv
"Fjetja është një proces plotësisht aktiv, gjatë të cilit ndodh shumëçka", thotë dr. Herberger. Gjumi na bën më të bukur, më të mençur dhe më të suksesshëm. Të gjithë e dimë se për shkak të netëve pa gjumë, sytë i kemi të dobësuar, ndërsa lëkura është e zbehtë. Derisa flemë, prodhohen hormonet e rritjes, përgjegjës për zhvillim dhe rigjenerim të qelizave. Nëse vazhdimisht flini jo-mjaftueshëm, jeni të ekspozuar ndaj rrezikut që të fitoni rrudhat. Përveç kësaj, gjatë kohës së gjumit zhvillohet procesi i rregullimit të përmbajtjeve të grumbulluara gjatë ditës dhe truri pa vetëdije, edhe më tutje i përpunon problemet. Kjo është arsyeja kryesore që njerëzit, të cilët flenë shumë, janë edhe më të suksesshëm.

Përqendrimi

Ata që flenë mjaftueshëm janë në pozitë më të mirë kur bëhet fjalë për marrjen e vendimeve. Kjo ka të bëjë edhe me mësimin e lëvizjeve të caktuara, p.sh. ato në golf. Ata që flenë mjaftueshëm, memorizojnë lëvizjet në gjumë, derisa lojtarët me çrregullim të gjumit ditën e ardhshme, praktikisht fillojnë nga fillimi. Gjumi ndikon pozitivisht edhe në vijën e trupit, pasi gjatë natës prodhohet hormoni lehtin, përgjegjës për ndjenjë të ngopjes. Nga ana tjetër, zvogëlon prodhimin e hormonit Grelin, i cili shkakton ndjenjën e urisë. Nëse nuk flemë mjaftueshëm, niveli i grelinës rritet, ndërsa leptin nuk ka mjaftueshëm.

Sa duhet të flini!
Kjo prapë nuk nënkupton se njerëzit të cilët flenë më pak se shtatë orë, i ekspozohen rrezikut. Nevoja për gjumë dallon nga individi prej individi. Napoleoni ka fjetur vetëm katër orë, ndërsa Ajnshtajni nëntë orë. Minimumi absolut është pesë orë, sepse organizmit i nevojitet kaq kohë që të rigjenerohet. Prapë, nëse gjatë ditës jeni në formë dhe të aftë për punë, kjo nënkupton se keni fjetur mjaftueshëm, thotë dr. Herberger. Është e njohur se disa njerëz zgjohen herët, ndërsa të tjerët e kanë vështirë të zgjohen në mëngjes. Mirëpo, është e ditur edhe ajo se njerëzit, të cilët gjatë ditës kalojnë shumë kohë jashtë dhe lëvizin gjatë mbrëmjes, më herët e ndjejnë lodhjen dhe flenë më thellë se ata të cilët kohën kryesisht e kalojnë në shtëpi.

TV-ja e prish gjumin
Nuk do t'ju bëjë keq nëse provoni disa preparate për gjumë në bazë bimësh, sepse ato nuk shkaktojnë varësi dhe mund të jenë mjaft të suksesshme te problemet më të vogla me gjumin. "Para së gjithash, pacientët duhet të respektojnë rregullat kur bëhet fjalë për gjumin. Dhoma e gjumit nuk është vend për televizor, sepse një gjumë i shkurtër para televizorit mund të shkaktojë rregullimin e gjumit. Përveç kësaj, duhet të hanë darkë së paku tri orë para shkuarjes në gjumë dhe të shmangin alkoolin, për të evituar gjumin jo të qetë.

Preparatet për gjumë më të mirë!
Pakëz muzikë të natës - tonet e përshtatshme, qetësojnë dhe të vënë në gjumë, me kushtin që të kenë ritmin i cili mund të na pushtojë. Me këtë rast, është plotësisht e njëjtë nëse bëhet fjalë për muzikë klasike, pop apo xhaz.

Relaksimi
Stresi konsiderohet shkaktari kryesor i çrregullimit të gjumit. Metoda e relaksimit, p.sh. trajnimi autogjen, joga. çi-gong apo taj-çi, do t'ju ndihmojë që të tërhiqeni nga rrethi dëshpërues i cili ju tërheq në stres.

Dhoma e gjumit
Largoni nga dhoma e gjumit televizorin, kompjuterin dhe telefonin, pasi të rraskapisin më keq.
Shtuar më 31/03/2011, ora 14:15

Shkruani komentin tuaj!
Të fundit nga kjo kategori