Rreziku që na kanoset nga ngjyrat e flokëve
Shëndeti juaj gjendet në rrezik të vazhdueshëm nga ngjyrosja e flokëve.
Shumica e ngjyrave përmbajnë materie të cilat mbase nuk janë edhe aq të rrezikshme, mirëpo kur bien në reaksion me tymin e duhanit apo me ndotësit e tjerë të ajrit, ato shndërrohen në bombë me sahat, thonë mjekët britanikë.

Gjatë analizimit të përbërjeve të ngjyrave ata kanë hasur në kimikate që shumë lehtë mund të shkaktojnë kancerin, kryesisht kancerin e lëkurës.

Ky studim është botuar së fundmi në një revistë të njohur shkencore në Britani, ndërsa janë dhënë edhe detajet ku thuhet se një e treta e grave dhe një në dhjetë meshkuj në botë janë të rrezikuar nga kjo sëmundje vdekjeprurëse.

Ngjyrosja dhe dekolorimi, përdorimi i dekoloruesve të fortë siç janë peroksidet (peroksidi i hidrogjenit) vepron mbi melaninën e flokut që oksidohet e ndryshon ngjyrë.

Përveç veprimit në pigment vërehen dhe dëmtime në keratinën e flokut që janë të rëndësishme për stabilitetin e flokut që ndahet dhe oksidohet.

Për këtë, shkencëtarët nga qyteti anglez Leeds, ku është bërë studimi u kanë bërë thirrje si njerëzve ashtu edhe prodhuesve të kozmetikës, në veçanti sektorit të prodhimit të ngjyrës së flokëve që të mundohen t’i shmangin kimikatet e dëmshme në ngjyra, por industria kozmetike ka kontestuar fuqishëm kërkesën e shkencëtarëve.

Ata paralajmërojnë se kimikatet të njohura si aminet sekondare, të cilat gjenden në të gjitha ngjyrat e flokëve mund të depërtojnë në lëkurë dhe në flokë të qëndrojnë me ditë, muaj, apo dhe vite.

Ajo që shkakton shqetësim më të madh është se këto kimikate të cilët ne mund t’i kemi në kokë reagojnë nga tymi i duhanit (ne mund të mos e pimë duhanin por të tjerët rreth nesh, po).
Gjatë këtij kontakti formohen kimikate shumë helmuese të quajtur N-nitrosamines. /albeu.com/
Shtuar më 06/01/2014, ora 17:40

Shkruani komentin tuaj!
Të fundit nga kjo kategori