Ditën e sotme është zhvilluar seanca ndaj Arbër Paplekajt.
Mësohet se Prokuroria ka dhënë konkluzionet për ngjarjen ku mbeti i vrarë Pjerin Xhuvani në Elbasan.
Bëhet me dije se Prokuroria ka dhënë pretencën dhe ka kërkuar 25 vite burg për Paplekajn.
Ndërkohë për dy ish-nëndrejtorët u kërkua 2 vite shërbim prove dhe 8 muaj shërbim prove për punonjësit e policisë.
Kujtojmë se ngjarja e bujshme në Elbasan ndodhi 4 ditë përpara zgjedhjeve parlamentare të prillit 2021, ku u vra Pjerin Xhuvani, një eksponent i fuqishëm lokal i lidhur me Partinë Socialiste, i cili ishte i përfshirë direkt në fushatën e PS në këtë qytet./albeu.com/
